Чарада катнашучылар авылның күпләп мал асраучы хуҗалыклары – Гөлфия Фәхразыева, Ринат һәм Гөлнур Мохтаревлар шәхси хуҗалыклары эшчәнлекләре белән таныштылар, үзләрен кызыксындырган сорауларын бирделәр, җирлекнең уңганнары әзерләгән татар халык ашлары белән сыйландылар. Кунакларны икмәк һәм чәкчәк белән каршыладылар, теләкләрне шигырь юлларына салып җиткерделәр. Зур Нөркәй авыл җирлегенең “Нөркәем” ансамбле, Карашайның үзешчәннәре җыр-моң белән сәламләделәр.