Илдә 1 апрельдән CLT-панельдән йортлар төзү рөхсәт ителгән. Агач пластиналарын бер-берсенә перпендикуляр рәвештә ябыштырып җитештерелгән төзелеш материалы бу, дип яза «ТАСС».

Мондый панельләрнең куркынычсызлыгы сынаулар аша расланган. Алар Цельсий шкаласы буенча 1000 градус температуралы утка 90 минуттан артыграк вакыт дәвамында бирешми. Шулай ук көче тугыз баллга кадәр булган җир тетрәүгә чыдый.

Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.