Татарстанда 1,7 млрд сум алимент эзләп алынган. Бу хакта “Татар-информ” агентлыгында узган матбугат очрашуында Суд приставлары федераль хезмәтенең Татарстан Республикасы буенча Баш идарәсе җитәкчесенең беренче урынбасары Альберт Ибәтуллин хәбәр итте. “Быел алимент буенча 1,7 млрд сум бурыч алынды. Чагыштыру өчен, узган елның шушы чорында әлеге сумма 1,4 млрд сум иде”, – дип ачыклык кертте җитәкче. Узган ел суд приставлары алиментлар буенча 4 млрд сум бурычны түләтә алган.

– Суд приставларыннан ничек кенә качарга тырышмыйлар. Баласы турында уйламыйча, одеало астына кереп качучылар да бар, – ди Альберт Ибәтуллин.