Яңа сервис укучыларга имтихан форматына ияләшергә, биремнәрне чишеп карарга һәм белемнәрен системалаштырырга ярдәм итәчәк.

Цифрлар министрлыгы хәбәр иткәнчә, платформада тәкъдим ителгән мөмкинлекләр тулысынча бушлай. Тренажер имтихан алдыннан стрессны киметергә, әзерлек процессын уңайлырак итәргә юнәлтелгән.

Хәзерге вакытта сервис кысаларында база дәрәҗәсендәге математика һәм информатика фәннәре буенча биремнәр урнаштырылган. Алга таба исемлек киңәйтелер дип көтелә.

Тренажер федераль педагогик үлчәмнәр институты экспертлары тарафыннан эшләнгән. Ул кулланучыларга биремнәрне генә түгел, ә катлаулы темалар буенча аңлатмалар һәм видеоконсультацияләр дә тәкъдим итә.

Сервис белән файдалану өчен «Госуслуги»дагы робот Макска «БДИга әзерлек навигаторы»н табу турында мөрәҗәгать итәргә һәм тренировка имтиханын сайларга кирәк. Барлык нәтиҗәләр шәхси кабинетта сакланачак.

Яңа инструмент мәктәп укучыларына имтиханга системалы һәм нәтиҗәле әзерләнергә ярдәм итәр дип көтелә.