Татарстан Гидрометеорология үзәге мәгълүматларына караганда, һава аязучан болытлы булачак.

Республиканың көнчыгыш районнарында явым-төшемнәр көтелә, ә төнлә һәм иртән: бозлавык, томан булуы ихтимал.

Төнлә температура 0 дән -5 градуска кадәр төшәчәк, аязган вакытта -8 градуска кадәр суыта. Көндез исә һава +4…+9 градуска кадәр җылыначак.

26 мартта явым-төшемнәр булмаячак, әмма юлларда бозлавык сакланачак. Төнлә -5 градуска кадәр, көндез +5…+10 градус.

27 мартта да коры, әмма болытлы һава саклана. Көндез температура +6…+11 градуска кадәр күтәреләчәк.

Казанда соңгы ике атнада алты тапкыр температура рекорды теркәлгән. Мәсәлән, 18 мартта һава +10,5 градуска кадәр җылынган — бу соңгы 11 елдагы югары күрсәткеч

Синоптиклар фаразлавынча, атна ахырына һава тагын да җылыначак: көндез температура +13 градуска кадәр күтәрелергә мөмкин.

Юлларда сак булыгыз: язгы көннәргә карамастан, бозлавык куркынычы әле саклана.