Қазақстанда көлік салығын бензин бағасына қосу жоспарлануда. Ұлттық экономика вице-министрі Азамат Амрин егжей-тегжейін айтып берді, деп хабарлайды LS.

"Жаңа Салық кодексі аясында бұл мәселе талқылануда. Ол сән-салтанат салығымен бірге кешенді қарастырылады. Шынында да, көлік салығын бензин акцизінің құнына ауыстыру мүмкіндігі талқылануда. Бірақ бұл мұқият қаралуы тиіс мәселе, сондықтан біз оны саралап жасаймыз. Мүмкін, көлік салығы 4 литрге дейін немесе 3,5 литрге дейін жойылады – қазір біз қосымша есеп айырысуды жүргізіп жатырмыз", – деді ол.

Амрин бюджет шамамен 80 млрд теңге көлік салығын жинайтынын, ал халық шамамен 5 млн тонна мұнай өнімдерін пайдаланатынын айтты.

"Егер біреуін екіншісіне бөлсек, жалпы алғанда, көлік салығын бензин құнына ауыстырған кезде жанар-жағармай 14 теңгеге қымбаттауы тиіс. Мысалы, көлемі 1,6 л автокөлікті алсақ, онда бұл шамамен 7 мың теңге баж салығы. Нәтижесінде шағын көлікте бензин тұтыну көп болады, өйткені ол салық түрінде 30 мың теңгеге жетеді", – деп есептеудегі қиындықтармен бөлісті вице-министр.

Министрдің айтуынша, үлкен көлемдегі көлікте, мысалы, Lexus 570, салық шамамен 700 мың теңгені құрайды. Ал бензин арқылы шығыстар екі есеге, 300-350 мың теңгеге дейін қысқарады.

"Сондықтан біз осы тасымалдау арқылы үлкен көліктері бар адамдарға жүктемені азайтамыз. Статистикаға сәйкес, бізде 3,9 млн-ға жуық автокөлік иелері бар, олардың машиналары 4 литрден асады, бұл 5-7%. Яғни, бұл 5%-ды біз 95% шағын көлемді көліктері барларға ауыстырамыз. Қазір біз салықты бензин құнына қаншалықты ауысатынын талқылап жатырмыз", – деді Амрин.

Естеріңізге сала кетейік, қазіргі уақытта жылжымайтын мүлікке, автокөлікке және заңды тұлғаларға салынатын салықтарды қайта қарау мәселесі талқылануда.