Облыстық полиция департаментінің хабарлауынша, қайғылы оқиға 20 тамызда сағат 19:45 шамасында Алматы–Екактеринбург тасжолының 770 шақырымында болған, деп хабарлайды Caravan.kz медиа-порталы.

"Lexus LX470 көлігінің 47 жастағы жүргізішісі рөлге ие бола алмай қалып, көлік аударылып кеткен. Соның салдарынан 46 жастағы жолаушы оқиға орынында қаза тапса, көлік жүргізушісі мен 35 жастағы жолаушы жедел жәрдем көлігінде көз жұмды. Сондай-ақ екі жолаушы ауруханаға жеткізілді", — делінген хабарламада.

Аталған дерек полицияда тіркелді. Тиісті сараптамалар тағайындалып, тергеу амалдары жүргізіліп жатыр.

"Полиция көлік жүргізушілерден жылдамдықты шектен тыс асырмай, жол жүргенде демалыс режимін сақтап, жол жүру ережелеріне қатаң бағынуға шақырады", — делінген ПД хабарламасында.